Ümumiyyətlə, qidalara bağlı zəhərlənmələr qida toksiki infeksiyalardır. Mikroblar müxtəlif toksinlər buraxır. Məsələn, batulizm mikrobu batulotoksin buraxır. Bu çox təhlükəli bir toksindir. İnsan orqanizmini tez bir müddətdə iflic edə bilir. Zəhərlənmələrin ağır və ya yüngül keçməsi orda olan toksiki maddələrin miqdarına bağlıdır”.
Bunu Gündəmtv.az -a açıqlamasında professor Adil Qeybulla son günlər toy mərasimlərində baş verən kütləvi zəhərlənmə hadisələri haqda danışarkən deyib.
O bildirib ki, qidaları boyat şəkildə istifadə etdikdə, saxlanma müddəti pozulduqda, digər tərəfdən onların konservləşdirmə qaydaları pozulduqda zəhərlənmələr baş verə bilir:
“Hətta zəif zəhərlənmədən ölümə qədər müxtəlif hallar müşahidə edilə bilər. Ona görə də diqqətli olmaq lazımdır. Vaxtı keçmiş, rəngi, dadı, iyi dəyişmiş, homogenliyi itmiş qidalardan istifadə etmək olmaz. Müxtəlif qidalar tez xarab olmağa meyillidir, onları soyuducuda saxlayanda da saxlama müddəti qısadır. Onlarla da ehtiyatlı olmaq lazımdır. Çox vaxt zəhərlənmələr balıq məhsullarından, müxtəlif konservləşmiş qidalardan olur. Ona görə də qida məsələsində maksimum diqqətli olmaq lazımdır. Şadlıq evlərində, müxtəlif iaşə müəssisələrində qidaların hazırlanması və saxlanması prosesində bütün texniki şərtlərə, gigiyena qaydalarına dəqiq əməl edilməlidir”.