İranın ali lideri Ayətullah Seyid Əli Xamneyinin oğlu Müctəba prezident Rəisinin ölümündən sonra atasının yerinə əsas namizəd olub.
Gündəmtv.Az xəbər verir ki, bu barədə "Politico" nəşri yazıb.

Qeyd edilir ki, mərhum prezident İbrahim Rəisi son bir neçə ildə ali lider postuna potensial namizəd hesab olunurdu.

"İndi iddiaçılar dairəsi daralır və əsas Müctəba Xamneyidir", - nəşr bildirib.

Bundan əlavə, "The Wall Street" yazır ki, 63 yaşlı Rəisinin və 60 yaşlı Abdullahianın (xarici işlər naziri) ölümü çətin ki, İranın xarici siyasətində, o cümlədən Tehranın HƏMAS-a dəstəyində ciddi dəyişikliklərə səbəb olsun: "Lakin Yaxın Şərqdə mövcud gərginlik fonunda rəhbərlik dəyişikliyi İran üçün əlavə problemdir".