Türkiyə prezidenti Rəcəb Tayyib Ərdoğanın BMT Baş Assambleyasında iştirak etmək üçün ABŞ-yə səfəri çərçivəsində Volodimir Zelenski, Ermənistanın baş naziri Nikol Paşinyan və İran lideri Məsud Pezeşkianla görüşü olacaq.
Gündəmtv.Az xəbər verir ki, Ərdoğan bir çox dünya liderləri ilə ikitərəfli görüşlər keçirəcək və onların əksəriyyətini Nyu-Yorkda türk diplomatiyasının simvolu olan Türk Evində qəbul edəcək. Onun qəbul edəcəyi şəxslər arasında İraqın baş naziri Məhəmməd Şia Əl Sudani, Hollandiyanın baş naziri Dik Şuf, BMT-nin baş katibi Antonio Quterreş, Ermənistanın baş naziri Nikol Paşinyan, Volodimir Zelenski, Küveytin vəliəhdi Şeyx Sabah Xalid Əl-Həməd Əl-Sabah, İran prezidenti Məsud Pezeşkian, Almaniya kansleri Olaf Şolz, Albaniyanın baş naziri Edi Rama və Serbiya prezidenti Aleksandr Vuçiç var.
