Ola bilsin, kimsə yuxuda görüb ki, hakim “Vətəndaş Müqaviləsi” Partiyası 2026-cı il seçkilərində iştirak etməyəcək, amma biz bəzi dairələri sevindirmək fikrində deyilik.

Gündəmtv.az Teleqraf.com-a istinadən xəbər verir ki, bunu Ermənistan parlamentindəki hakim “Vətəndaş Müqaviləsi” fraksiyasının rəhbəri Hayk Koncoryan deyib.
Siyasətçi Baş nazir Nikol Paşinyan və bu partiyanın “xalq tərəfindən seçilmiş siyasi qüvvə” olduğunu bildirib.

Koncoryan bu “uğurlu dövr”də partiyanın Ermənistanda mühüm funksiya yerinə yetirdiyinə və bundan sonra da belə davam edəcəyinə inandığını söyləyib:

“Biz Ermənistan vətəndaşlarından mandat almış siyasi qüvvəyik, xalqla üzvi şəkildə bağlıyıq. Əgər xalq bizə güvənmək qərarı veribsə, o zaman biz o missiyanı məmnuniyyətlə yerinə yetirəcəyik”.

Fraksiya rəhbəri əlavə edib ki, “Vətəndaş Müqaviləsi” bir çox vədləri yerinə yetirib. Onun sözlərinə görə, Paşinyan hökuməti hər şeyi bilir və boşluqlar üzərində işləyir.