QARABAĞ AZƏRBAYCANDIR!

Ya Qarabağ erməniləri kütləvi köçəcək, ya da… - Tevanyan 118
2023-08-01 11:28 | 0 Rəy

Ya Qarabağ erməniləri kütləvi köçəcək, ya da… - Tevanyan

“Ermənistanın Qarabağı Azərbaycanın tərkib hissəsi kimi tanınması, faktiki olaraq 9 noyabr sənədində olan bəndi aradan qaldırır, söhbət Laçın dəhlizindən gedir. Əgər Qarabağ Azərbaycana məxsusdursa, Laçın dəhlizi də Azərbaycanındır”.

“Gündəmtv.az” xəbər verir ki, bunu “Ermənistan və artsaxda təhlükəsizlik problemləri və onların həlli yolları” mövzusunda keçirilən müzakirədə “Ana Ermənistan” hərəkatının koordinatoru Andranik Tevanyan deyib.

Onun sözlərinə görə, beynəlxalq ictimaiyyət bu qərara etiraz etməyəcək. 

“Qərb üçün Rusiyanı bu regiondan çıxarmaq çox vacibdir və ilk addım rus sülhməramlılarının çıxarılması olacaq. Daha sonra Rusiya hərbi bazası çıxarılması problemi yaranacaq və onun ardınca isə Ermənistanın dövlətçilik problemi yaranacaq. Çünki o zaman bizim təhlükəsizlik sahəsində imkanlarımız olmayacaq”, - Tevanyan qeyd edib.

O əlavə edib ki, bu gün Qarabağ danışıqlar mövzusu kimi mövcud deyil, Ermənistan hakimiyyəti bu məsələni bağlayıb.

“Bu gün Ermənistan məsələsi müzakirə olunur. Danışıqlar prosesi sırf Ermənistanla bağlıdır və bu halda Ermənistan masa arxasında deyil, masaya qoyulur. Dövlət başçısı səviyyəsində Ermənistan-Qarabağ qarşıdurması inkişaf edir. Bu, məqsədli şəkildə edilir”, - siyasətçi qeyd edib.

Tevanyan daha sonra qeyd edib ki, Qarabağ aşağıdakı ssenari ilə üz-üzə qalacaq. “Ya Qarabağ erməniləri kütləvi miqrasiyası baş verəcək, ya da bu vəziyyətdə qalacaq”, - o vurğulayıb.

0 şərh:

Səndə öz fikrini bizimlə bölüş