QARABAĞ AZƏRBAYCANDIR!

Türkiyə rəsmiləri və siyasətçiləri İlham Əliyevi təbrik ediblər - YENİLƏNİB 58
2024-02-08 00:27 | 0 Rəy

Türkiyə rəsmiləri və siyasətçiləri İlham Əliyevi təbrik ediblər - YENİLƏNİB

Prezident seçkilərinin nəticəsinin qardaş Azərbaycan xalqı və bölgə üçün xeyirli olmasını arzu edirəm.

“ Gündəmtv.az” xəbər verir ki, bunu Türkiyənin vitse-prezidenti Cevdet Yılmaz Azərbaycandakı növbədənkənar prezident seçkilərinin uğurla keçirilməsi və İlham Əliyevin yenidən Prezident seçilməsi münasibətilə “X”də yazıb.

“Can Azərbaycanda bu gün (dünən-red) keçirilən prezident seçkilərində Azərbaycan xalqının dəstəyi ilə yenidən prezident seçilən cənab İlham Əliyevi təbrik edirəm. Türkiyə və Azərbaycan “bir millət, iki dövlət” şüarı ilə gələcəyə daha güclü, qətiyyətli şəkildə irəliləməyə davam edecək”, - C.Yılmaz bildirib.

***

Türkiyə Xarici İşlər Nazirliyi Azərbaycandakı növbədənkənar prezident seçkilərinin uğurla keçirilməsi və İlham Əliyevin yenidən Prezident seçilməsi münasibətilə Azərbaycan xalqını təbrik edib.

“ Gündəmtv.az” xəbər verir ki, bu barədə nazirlik bəyanat yayıb.

“Prezident seçkilərinin qardaş Azərbaycan üçün xeyirli olmasını arzu edirik. Seçkilərin işğaldan azad olunmuş Qarabağ da daxil olmaq bütün ölkə ərazisində, sakit formada keçirilməsindən məmnunuq”, - bəyanatda bildirilib.

***

Türkiyə Prezident Administrasiyasının sözçüsü Ömer Çelik Azərbaycandakı növbədənkənar prezident seçkilərinin uğurla keçirilməsi və İlham Əliyevin yenidən Prezident seçilməsi münasibətilə paylaşım edib.

“Gündəmtv.az” xəbər verir ki, o, bu barədə “X”də yazıb.

“Can Azərbaycanın bütün torpaqlarında, o cümlədən azad olunmuş ərazilərdə keçirilən seçkilərdə yenidən Prezident seçilən Azərbaycan dövlət başçısı cənab İlham Əliyevi təbrik edirəm”, - o bildirib.

Qeyd edək ki, bu gün Azərbaycanda növbədənkənar prezident seçkiləri keçirilib.

Seçkilərdə hakim Yeni Azərbaycan Partiyasının prezidentliyə namizədi İlham Əliyev, namizədliyi özü tərəfindən irəli sürülən Zahid Oruc, Milli Cəbhə Partiyasının prezidentliyə namizədi Razi Nurullayev, Böyük Quruluş Partiyasının prezidentliyə namizədi Fazil Mustafa, Böyük Azərbaycan Partiyasının prezidentliyə namizədi Elşad Musayev, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev və namizədliyi özü tərəfindən irəli sürülən Fuad Əliyev mübarizə aparıb.

***

Türkiyə Böyük Millət Məclisinin (TBMM) sədri Numan Kurtulmuş Azərbaycandakı növbədənkənar prezident seçkilərinin uğurla keçirilməsi və İlham Əliyevin yenidən Prezident seçilməsi münasibətilə paylaşım edib.

“Gündəmtv.az” xəbər verir ki, o, bu barədə “X”dəki hesabında yazıb.

“Azərbaycanda keçirilən prezident seçkilərində qələbə qazanaraq yenidən dövlət başçısı seçilən cənab İlham Əliyevi təbrik edir, vəzifəsində uğurlar arzulayıram. Seçkilərin nəticəsinin “bir millət, iki dövlət” prinsipi ilə ortaq hədəflərə doğru irəlilədiyimiz dost və qardaş Azərbaycan xalqı üçün xeyirli olmasını arzu edirəm”, - o, sosial şəbəkə hesabında qeyd edib.

Türkiyənin keçmiş xarici işlər naziri, bu ölkənin parlamentinin NATO-dakı nümayəndə heyətinin rəhbəri Mövlud Çavuşoğlu isə “X”dəki hesabında yazıb: “30 il sonra Azərbaycanın bütün torpaqlarında, o cümlədən işğaldan azad olunan Qarabağda yüksək seçici fəallığı ilə keçirilən seçkilərdə yenidən qalib gələn Can Azərbaycanın cənab Prezidenti İlham Əliyevi qələbə münasibətilə təbrik edirəm. Azərbaycanlı qardaşlarımız onun liderliyi altında neçə-neçə zəfərlər qazanmağa davam edəcək”.

Həmçinin Türkiyədə prezidentliyə keçmiş namizəd, əslən azərbaycanlı Sinan Oğan da Prezident İlham Əliyevi təbrik edib: “Bu gün Azərbaycanda baş tutan prezident seçkilərində qalib gələrək yenidən dövlət başçısı seçilən İlham Əliyevi təbrik edirəm. 30 il davam edən işğaldan sonra azad edilmiş Qarabağda və Şərqi Zəngəzur da daxil olmaqla bütün Azərbaycan torpalarında baş tutan bu əhəmiyyətli seçkilərin Azərbaycandakı qardaşlarımıza və bütün türk dünyasına xeyirli olmasını arzu edirəm”.

Türkiyənin keçmiş vitse-prezidenti, parlamentin xarici əlaqələr komitəsinin sədri Fuat Oktay da seçkilərin Azərbaycan üçün uğurlu olmasını arzu edib: "Exit-poll"un nəticələrinə əsasən 93,9 faiz səslə yenidən prezident seçilən İlham Əliyevi ürəkdən təbrik edir, Azərbaycan üçün uğurlu olmasını arzu edirəm”.

Qeyd edək ki, bu gün Azərbaycanda növbədənkənar prezident seçkiləri keçirilib.

Seçkilərdə hakim Yeni Azərbaycan Partiyasının prezidentliyə namizədi İlham Əliyev, namizədliyi özü tərəfindən irəli sürülən Zahid Oruc, Milli Cəbhə Partiyasının prezidentliyə namizədi Razi Nurullayev, Böyük Quruluş Partiyasının prezidentliyə namizədi Fazil Mustafa, Böyük Azərbaycan Partiyasının prezidentliyə namizədi Elşad Musayev, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev və namizədliyi özü tərəfindən irəli sürülən Fuad Əliyev mübarizə aparıb.

0 şərh:

Səndə öz fikrini bizimlə bölüş