QARABAĞ AZƏRBAYCANDIR!

Qadın həkimi döyən “müharibə əlili” barədə cinayət işi başlanıldı 27
2021-06-08 16:27 | 0 Rəy

Qadın həkimi döyən “müharibə əlili” barədə cinayət işi başlanıldı

Dövlət Tibbi-Sosial Ekspertiza və Reabilitasiya Agentliyinin həkim-ekspertinə qarşı xuliqanlıq faktı üzrə cinayət işi başlayıb.

DİN Mətbuat xidmətindən “Gündəmtv.az” a verilən məlumata görə, Bərdə rayon sakini 1963-cü il təvəllüdlü Şamayıl Mustafayev heç bir səbəb olmadan ictimai qaydanı kobud surətdə pozaraq agentliyin həkim-ekspertini yumruqla vuraraq ona müxtəlif dərəcəli yüngül bədən xəsarətləri yetirib.

İstintaq tədbirləri ilə hadisə yerinə baxış keçirilib, xəsarət alan həkim-ekspert zərərçəkmiş şəxs qismində tanınıb, məhkəmə tibb ekspertizasının rəyi və şahidlərin ifadələri alınıb.

Binəqədi RPİ-nin İstintaq şöbəsində Cinayət Məcəlləsinin 221.1-ci (Xuliqanlıq) maddəsi ilə başlayan cinayət işi üzrə istintaq hərəkətləri davam etdirilir.

0 şərh:

Səndə öz fikrini bizimlə bölüş