Qazlı şirin içki içmək ömrü 12 dəqiqə qısaldır.

Gündəmtv.az xarici KİV-ə istinadla xəbər verir ki, bu sözləri ispaniyalı əczaçı-həkim Alvaro Fernandes deyib.

O, şirin qazlı içkilərin istehlakını minimuma endirməyə çağırıb.

"Şəkərli qazlı içkinin hər bir bankası insan ömrünü 12 dəqiqə qısaldır. Bu, Miçiqan Universitetinin alimlərinin apardığı son araşdırma ilə sübuta yetirilib. Alimlər müəyyən ediblər ki, bu içki şəkərli diabet, piylənmə və ürək-damar xəstəliklərinin inkişaf riskini artırır".

Bundan əlavə, həkimin sözlərinə görə, bu kimi qazlı içkilər maddələr mübadiləsinə mənfi təsir göstərir, qanda insulin səviyyəsində sıçrayışlara səbəb olur və orqanizmdəki ümumi iltihab səviyyəsini yüksəldir. Bu iltihab isə bir neçə növ xərçənglə əlaqələndirilir. Həkim əlavə edib ki, istehsalçılar bu içkilərə bağırsaq mikroflorasına zərər verən müxtəlif boyalar və konservantlar da əlavə edirlər.