Ukrayna Silahlı Qüvvələri Rusiyanın Perm diyarında yerləşən “Metafraks Chemicals” kimya müəssisəsinə hücum həyata keçirib. “Metafraks” həm Rusiya daxilində, həm də Avropada metanol və onun törəmələrinin əsas istehsalçılarından sayılır.

gundemtv.az xəbər verir ki, zavodda istehsal olunan metanol yanacaq, plastik, müxtəlif gübrələr, sintetik qatranlar, formalin və digər sənaye kimyəvi maddələrinin hazırlanmasında geniş istifadə olunur. Buna görə də müəssisəyə yönələn zərbə regional sənaye və əməkdaşlıq zəncirinə təsir göstərə bilər.

Hücumun nə dərəcədə dağıntıya səbəb olduğu və insan itkisi barədə rəsmi dəqiq məlumatlar hələ açıqlanmayıb. Ekspertlər strategiya baxımından belə obyektlərə zərbənin Moskvanın sənaye potensialına və təchizat zəncirinə mənfi təsir göstərə biləcəyini bildirirlər.

Əli Səfərli,
gundemtv.az

Oxunub: 779