70 saylı Neftçala Seçki Dairəsindən deputatlığa namizəd Tənzilə Rüstəmxanlının vəkili Hüseyn Qurbanov zorakılığa məruz qalıb.
Bakupost.az xəbər verir ki, bu barədə o, sosial şəbəkədə bildirib.
Neftçala rayonu, 40 saylı seçki məntəqəsində olan zaman həmin rayondan namizəd Vəfa Nağıyeva tərəfindən zorakılığa məruz qalmışam. Oradan Tənzilə Rüstəmxanlının vəkili olaraq rayonda yerləşən 43 və 44 sayli seçki məntəqələrinə getmək istəyərkən yolda tanımadığım Rusiya nömrəsindən bir nəfər zəng edərək, özünü Vəfa Nağıyevanın qardaşı kimi təqdim etdi və məni ölümlə hədələdi. Bundan sonra VAZ-2106 markalı 40 BE 061 nömrəli avtomobillə avtomobilimin qarşısını kəsərək, məni zorla yerə düşürdüb "rayonun yiyəsi bizik" deyərək, yumruq, şillə və təpiklə üz və bədən nahiyələrimə vuraraq, mənə xəsarət yetirdi. Bundan sonra məni köməksiz vəziyyətdə qoyaraq, hadisə yerindən uzaqlaşdı. Polisə muraciət etdim, ekspertizaya göndərildim", - deyə Hüseyn Qurbanov bildirib.